ગુજરાતના નાગરિકોને સસ્તી વીજળી પુરી પાડવા બાબતે લઈને આમ આદમી પાર્ટીના જિલ્લા કાર્યલય પ્રેસ કોન્ફરન્સ યોજી નાયબ કલેકટરને આવેદનપત્ર પાઠવ્યું..

Published By : B.K.NEWS DAINIK
Published Date : 2022-06-16 12:20:37
Views : 221
Modified Date : 2022-06-16 12:20:37

ગુજરાતમાં આમ આદમી પાર્ટીના દ્વારા લોકહીતના વિવિધ મુદાને લઈને આંદોલન ચલાવી રહી છે તાજેતરમાં શિક્ષણ અને આરોગ્ય ના મુદે આંદોલન કરતાં સરકાર દ્વારા શિક્ષણ ક્ષેત્રે અને આરોગ્ય ક્ષેત્રે કામગીરી કરવાની ફરજ પડી છે ત્યારે હવે આમ આદમી પાર્ટી દ્વારા સસ્તી વિજળી અને મફત વિજળી નાગરીકોને પુરી પાડવામાં આવે તેવી માંગ સાથે આમ આદમી પાર્ટી દ્વારા આંદોલનનું રણશિંગુ ફુંકાયું છે ત્યારે આજે ડીસા આમ આદમી પાર્ટીના જિલ્લા કાર્યલય ખાતે પ્રેસ કોન્ફરન્સ યોજાઈ હતી જ્યાં આમ આદમી પાર્ટીના નવા હોદ્દેદારોનુ સન્માન કરવામાં આવ્યું હતું જે બાદ ગુજરાતમાં નાગરીકોને સસ્તી વિજળી અને મફત વિજળી મળી રહે તેવી માંગ સાથે માનનીય મુખ્યમંત્રીશ્રીને સંબોધીને નાયબ કલેકટરને આવેદનપત્ર પાઠવ્યું હતું સાથે રજુઆત કરવામાં આવી હતી કે ગુજરાતમાં વીજળી ઘણી મોંઘી છે, ગુજરાતમાં વીજળી ઉત્પન્ન કરતા સરકારી સાહસોને રાજ્ય સરકારે ઇરાદાપૂર્વક મારી નાખ્યા એટલે વીજળી માટે રાજ્ય ખાનગી વીજ ઉત્પાદન મથકો પર આશ્રિત થયું. ગુજરાત સરકારના આ આંધળા ખાનગીકરણની ઊંચી કિંમત હાલ ગુજરાતના નાગરિકો બેવડી રીતે ભોગવી રહ્યા છે. પ્રથમ તો, ખાનગી પાવર પ્લાન્ટ સાથે 2007માં 25 વર્ષ સુઘી વીજળી ખરીદવાના જે ફીક્સ ભાવો નક્કી કર્યા હતા તે ખાનગી પાવર પ્લાન્ટોના દબાણ હેઠળ આવીને ગુજરાત સરકારે રિવાઇઝ કરી આપ્યા. એને કારણે જ છે થોડાક જ વખતમાં...

એપ્રિલ 2021માં પ્રતિ યુનિટ ફ્યુઅલ સરચાર્જ 1.80 રૂપિયા હતો,જુલાઈ 2021માં પ્રતિ યુનિટ ફ્યુઅલ સરચાર્જ 1.90 રૂપિયા થયો,ઓક્ટોબર 2021માં પ્રતિ યુનિટ ફ્યુઅલ સરચાર્જ 2.00 રૂપિયા થયો,જાન્યુઆરી 2022માં પ્રતિ યુનિટ ફ્યુઅલ સરચાર્જ 2.10 રૂપિયા થયો,

માર્ચ 2022માં પ્રતિ યુનિટ ફ્યુઅલ સરચાર્જ 2.20 રૂપિયા થયો,એપ્રિલ 2022માં પ્રતિ યુનિટ ફ્યુઅલ સરચાર્જ 2.30 રૂપિયા થયો, આમ સરકારની ભૂલનો ભોગ ગુજરાતની જનતા બની રહી છે. બીજીબાજુ, ખાનગી પાવર પ્લાન્ટ કરાર મુજબ વીજળી પુરી પાડવામાં વચ્ચે વચ્ચે આડોડાઈ કરી કૃત્રિમ અછત ઉભી કરે છે ત્યારે ગુજરાત સરકારે ખુલ્લા બઝારમાંથી ખુબ ઊંચા ભાવે વીજળી ખરીદવી પડે છે.

સરકારે ખુલ્લા બજારમાંથી વીજળી ખરીદે એનો સીધો મતલબ છે કે રાજ્યની જનતાના પરસેવાની કમાણીના ટેક્સના પૈસા વેડફાઈ રહ્યા છે અને ગુજરાતની જનતા માથે દેવું વધી રહ્યું છે.

આમ આદમી પાર્ટીની હાલ દિલ્હી અને પંજાબ, એમ બે રાજ્યોમાં સરકાર છે તે પોતાના નાગરિકોને 200 અને 300 યુનિટ સુધી વીજળી ફ્રી આપે છે એની સામે ગુજરાત સરકાર રાજ્યના નાગરિકો પાસેથી ખુબ ઊંચા દરો વસુલ કરે છે.આમ આદમી પાર્ટી-ગુજરાત,નાગરિકોની થઇ રહેલી ઉઘાડેછોગ લૂંટ સામે સરકાર સમક્ષ માંગ કરવામાં આવે છે જેવી રીતે પંજાબ અને દિલ્હીમાં નાગરીકોને સસ્તી વિજળી અને મફત વિજળી આપવામાં આવે છે તેજ રીતે ગુજરાતના નાગરીકોને પણ સસ્તી વિજળી અને મફત વિજળી આપવામાં આવે અને જો સરકાર દ્વારા આમ આદમી પાર્ટીની માંગ સ્વીકારવામાં નહી આવે તો આગામી દિવસોમાં રાજ્ય વ્યાપી આંદોલન ના ભાગરૂપે કાર્યક્રમો યોજવાની ફરજ પડશે રાજ્યના મુખ્યમંત્રી તરીકે આમ આદમી પાર્ટી-ગુજરાતની માગણી છે કે,

ગુજરાતના નાગરિકોને 200 યુનિટ વીજળી ફ્રી આપવામાં આવે જેથી મોંઘવારીમાં પીસાઈ રહેલા મધ્યમ વર્ગને આંશિક રાહત મળે અને ગુજરાતની જનતા સાથે થયેલા અન્યાયનું નિવારણ થઇ શકે.

Download Our B K News Today App

Related News

Recent Posts

Environment

Women Special

Tweets by BkNewsToday

Follow Us

About us

Head Office (B.K. News)

Quick Links