ભારતમાં મળ્યો કોરોનાનો નવો 'AP સ્ટ્રેન, 15 ગણું વધુ સંક્રમણ ફેલાવી રહ્યો છે, તેનાથી લોકો 3થી 4 દિવસમાં બીમાર થઈ જાય છે.

Published By : B.K.NEWS DAINIK
Published Date : 2021-05-04 16:29:52
Views : 634
Modified Date : 2021-05-04 16:29:52

ભારતમાં કોરોના વાયરસનો નવો સ્ટ્રેન સામે આવ્યો છે. જેનું નામ છે એપી સ્ટ્રેન (AP Strain). એટલે કે, આ સ્ટ્રેન આંધ્રપ્રદેશમાં મળી આવ્યો છે. વૈજ્ઞાનિક ભાષામાં તેને N440K સ્ટ્રેન કહેવામાં આવી રહ્યો છે. સેન્ટર ફોર સેલ્યુલર એન્ડ મોલેક્યુલર બાયોલોજી (સીસીએમબી) ના વૈજ્ઞાનિકો દ્વારા તેની શોધ કરવામાં આવી છે. એવું કહેવામાં આવી રહ્યું છે કે આ સ્ટ્રેન 15 ગણું વધુ સંક્રમણ ફેલાવે છે. આને કારણે, લોકો 3 થી 4 દિવસમાં બીમાર થઈ જાય છે.

એપી સ્ટ્રેન (AP Strain) એટલે N440K સ્ટ્રેનની શોધ પ્રથમ આંધ્રપ્રદેશના કુર્નુલમાં થઈ હતી. આ સ્ટ્રેન B1.617 અને B1.618 સ્ટ્રેન કરતાં વધુ શક્તિશાળી છે. વિશાખાપટ્ટનમના જિલ્લા કલેકટર વી.વિનય ચંદે જણાવ્યુ હતુ કે, હાલ CCMBમાં અનેક સ્ટ્રેનોની તપાસ કરવામાં આવી રહી છે. ક્યો સ્ટ્રેન કેટલો ખતરનાક છે, તે ફક્ત CCMBના વૈજ્ઞાનિકો જ કહી શકશે. પરંતુ તે સાચું છે કે નવો સ્ટ્રેન મળ્યો છે. તેના નમૂનાઓ લેબોરેટરીમાં મોકલવામાં આવ્યા છે. એવું જોવા મળે છે કે કોરોના વાયરસનો નવો એપી સ્ટ્રેન (AP Strain) એટલે કે N440K સ્ટ્રેન ઝડપથી વિકસી રહ્યો છે. તેનો ઇનક્યૂબેશન સમયગાળો અને બીમારી ફેલાવવાનો સમયગાળો ટૂંકોછે. તે ખૂબ જ ઝડપથી ફેલાઈ રહ્યો છે તેમજ વધુ લોકોને સંક્રમણ લગાવી રહ્યો છે. આ સ્ટ્રેનથી સંક્રમિત લોકો 3 થી 4 દિવસની અંદર જ ગંભીર સ્થિતિમાં પહોંચી જાય છે.

પ્રથમ કોરોના લહેર જેવી સ્થિતિ નથી. આ સમયે નવા સ્ટ્રેન લોકોને વધુને વધુ બીમાર બનાવી રહ્યા છે. હવે એપી સ્ટ્રેન (AP Strain) એટલે કે N440K સ્ટ્રેન વિશે વૈજ્ઞાનિકો પણ હેરાન છે. કારણ કે તેના વિશે વધુ કહેવું મુશ્કેલ છે. તે વાયરસ યુવાનોને ઝડપથી નિશાન બનાવી રહ્યો છે. તે તેમને પણ તે છોડતો નથી જેઓ ફિટનેસની સંભાળ રાખે છે અથવા જેમની ઇમ્યુનિટી ખૂબ જ મજબૂત છે. લોકોના શરીરમાં સાયટોકાઇન સ્ટોર્મ આવી રહ્યા છે.

હાલમાં દક્ષિણ ભારતમાં ફેલાયેલા પાંચ મુખ્ય કોરોના સ્ટ્રેન છે. આમાં B.1, B.1.1.7, B.1.351, B.1.617 અને B.1.36 * (N440K) સામેલ છે. એવું જોવા મળી રહ્યું છે કે દક્ષિણ ભારતમાં આંધ્ર પ્રદેશ, કર્ણાટક અને તેલંગાણામાં હાલમાં એપી સ્ટ્રેઇન (AP Strain) એટલે કે N440K સ્ટ્રેન ખૂબ જ ઝડપથી ફેલાઈ રહ્યો છે.મહારાષ્ટ્રની તુલના કરવામાં આવે તો, ત્યાં હજી સૌથી વધુ B.1.617 સ્ટ્રેનની અસર છે. પરંતુ હવે ત્યાં પણ એપી સ્ટ્રેન (AP Strain) એટલે કે N440K સ્ટ્રેન પહોંચી ચૂક્યો છે. મહારાષ્ટ્રમાં લોકો હાલમાં કોરોના વાયરસના 6 સ્ટ્રેનથી પીડિત છે. તે છે - B.1, B.1.1.7, B.1.351, B.1.36*(N440K), B.1.617 અને B.1.618 સ્ટ્રેન. એટલે કે, એપી સ્ટ્રેનની અસર મહારાષ્ટ્રમાં પણ છે.

તમને જણાવી દઈએ કે એપી સ્ટ્રેન (AP Strain)એટલે કે N440K સ્ટ્રેન એક મ્યૂટેશન છે. તેના લીનિએજ એટલો શક્તિશાળી નથી પણ તે દક્ષિણ ભારત માટે ચિંતાનો વિષય છે. આ સ્ટ્રેનના કારણે છેલ્લા સાત દિવસોમાં મહારાષ્ટ્ર, આંધ્રપ્રદેશ, કર્ણાટક, કેરળ અને તેલંગાણામાં કોરોના કેસ વધ્યા છે. તેથી હવે ડોકટરો અને વૈજ્ઞાનિકો આ નવા કોરોના સ્ટ્રેન વિશે ખૂબ જ ચિંતિત છે.

હાલમાં, સમગ્ર દેશમાં કોરોના વાયરસના જે સ્ટ્રેને સૌથી વધુ લોકોને અસર કરી છે, તેમાંB.1.1.7 વાળો સ્ટ્રેન છે. તે પછી B.1.617 સ્ટ્રેનથી લોકોને સંક્રમણ લાગ્યું છે. ત્યાર બાદ B.1.351 સ્ટ્રેનથી બીમાર છે. જ્યાં સુધી એપી સ્ટ્રેઇન(AP Strain)ની વાત છે, એટલે કે N440K વેરિઅન્ટનું આ મ્યૂટેશન દક્ષિણ ભારતમાં હાલના વાયરલ જીનોમના 20 ટકા કરતા ઓછો છે. પરંતુ તે જે વેરિએન્ટમાં મળી રહ્યો છે તે વધુ જોખમી બની રહ્યો છે. જેના કારણે 3 થી 4 દિવસમાં જ લોકો બીમાર થઈ રહ્યા છે.