થરાદના માંગરોળમાં ભારતમાલાની કંપનીમાં સાઈડમાં સ્લોપ પ્રોટેક્શન સામગ્રીમાં આગ લાગી હતી

Published By : B.K.NEWS DAINIK
Published Date : 2022-03-16 12:03:42
Views : 258
Modified Date : 2022-03-16 12:03:42

થરાદના માંગરોળમાં ભારતમાલાની કંપનીમાં સાઈડમાં સ્લોપ પ્રોટેક્શન સામગ્રીમાં આગ લાગી હતી ત્યારે પાલિકાના ફાયરફાઇટરની ટીમે પાણીનો મારો ચલાવી આગ પર કાબુ મેળવ્યો હતો

થરાદના માંગરોળમાં ભારતમાલા કંપનીનો પ્લાન્ટ આવેલો છે . જેના કોડમેટમાં અગમ્ય કારણોસર આગ લાગતાં અફરા - તફરીનો માહોલ સર્જાવા પામ્યો હતો . થરાદ પાલિકાની ફાયર ટીમે દોડી જઇને આગ પર કાબુ મેળવ્યો હતો . થરાદ - સાંચોર હાઇવે પર ભારતમાલા રોડની કામગીરી કરતી કોન્ટ્રાક્ટ રવિ ઇન્ફ્રાબીલ્ડ પ્રોજેક્ટ પ્રા . કંપનીનો પ્લાન્ટ આવેલો છે . જેમાં રોડની સાઈડમાં સ્લોપ પ્રોટેક્શન ( ઘાસ ઉગાડવા માટે પાથરવામાં આવતી ) સામગ્રીમાં સોમવારે અગમ્ય કારણોસર આગ લાગી હતી . આથી થરાદ નગરપાલિકાને જાણ કરવામાં આવતાં ફાયર ઓફીસર વિરમ રાઠોડ ટીમ સાથે તાત્કાલિક ઘટના સ્થળે પહોંચી આગ પર કાબુ મેળવ્યો હતો . બનાવને પગલે અફરા - તફરી સાથે ઉત્તેજનાનો માહોલ પ્રસરવા પામ્યો હતો . આગ લાગવાના કારણે કંપનીને નુકસાન થયું હતુ .