ડીસા તાલુકાના માલગઢ ગામ લગ્ન પ્રસંગે મંડપ માં આગ લાગતા અફડાતફડીનો માહોલ

Published By : B.K.NEWS DAINIK
Published Date : 2022-06-07 12:54:44
Views : 240
Modified Date : 2022-06-07 12:54:44

કોરોનાવાયરસ ની મહામારી બાદ આ વર્ષે સરકાર દ્વારા લગ્ન પ્રસંગોમાં તમામ પ્રકારની છૂટછાટ આપવામાં આવતા આ વર્ષે અનેક નવદંપતીઓએ પ્રભુતામાં પગલાં પાડ્યા હતા પરંતુ લગ્ન પ્રસંગે અનેક દુર્ઘટનાઓ સામે આવી રહી છે જેમાં ડીસા તાલુકામાં થોડા મહિના પહેલાં જ માલગઢ ગામે લગ્ન પ્રસંગે મંડપ માં આગ લાગતા અફરા તફરીનો માહોલ સર્જાયો હતો. જે બાદ મહામુસીબતે ફાયર ફાઈટર દ્વારા આગને કાબૂમાં લેવામાં આવી હતી ત્યારે ફરી એકવાર ડીસા તાલુકાના માલગઢ ગામે લગ્ન પ્રસંગે મંડપ માં આગ લાગવાની ઘટના સામે આવી છે જેમાં ડીસા તાલુકાના માલગઢ ગામે લગ્ન પ્રસંગ હતો. અને લગ્ન પ્રસંગ દરમિયાન વરરાજા નો વરઘોડો કાઢવામાં આવ્યો હતો જે દરમિયાન વરઘોડામાં સામે લોકો દ્વારા ફટાકડા ફોડી આતશબાજી કરવામાં આવી હતી જે દરમિયાન ફટાકડા નું એક તણખો ઉડીને મંડપમાં જતા મંડપ સળગવાનું શરૃ થયું હતું અને જોતજોતામાં લગ્ન પ્રસંગે બાંધવામાં આવેલો મંડપ માં આગે વિકરાળ સ્વરૂપ ધારણ કર્યું હતું આગની ઘટના લાગતા ની સાથે જ લગ્ન પ્રસંગે આવેલા મહેમાનો માં દોડધામ મચી ગઇ હતી જે બાદ લગ્ન પ્રસંગે હાજર લોકો દ્વારા આગને કાબૂમાં મેળવવા માટે પાણીનો મારો ચલાવવામાં આવ્યો હતો પરંતુ આગ કાબૂમાં આવી ન હતી જે બાદ આગને કાબૂમાં લેવા માટે ફાયર ફાઇટરની ટીમને જાણ કરતા ફાયર ફાઈટરની ટીમ ઘટનાસ્થળે દોડી આવી હતી અને પાણીનો મારો ચલાવી આગને કાબુમાં લીધી હતી આગમાં લગ્નમંડપ સળગી જતા લાખો રૂપિયાનું નુકસાન વેઠવાનો વારો આવ્યો હતો લગ્ન પ્રસંગે લાગેલી આગના કારણે લોકોમાં પણ ભય જોવા મળ્યો હતો પરંતુ આગને કાબુમાં લેતા લોકોએ રાહત અનુભવી હતી