ડીસાની ડી.એન.પી.આર્ટ્સ એન્ડ કોમર્સ કોલેજમાં અભ્યાસ કરતાં અને આગામી ચૂંટણીમાં પ્રથમવાર મતદાન કરનાર તમામ વિધાર્થીઓને ડેમો આપીને મતદાનની સમગ્ર પ્રક્રિયાની સમજણ આપવામાં આવી

Published By : B.K.NEWS DAINIK
Published Date : 2022-07-31 11:32:45
Views : 269
Modified Date : 2022-07-31 11:32:45

ભારત વિશ્વની સહુથી મોટી લોકશાહી છે અને ભારતમાં શાસન લોકો દ્વારા ચૂંટવામાં આવેલા પ્રતિનિધિઓ દ્વારા કરવાં આવે છે. ત્યારે આજે પ્રથમવાર મતદાન કરવા જનારા યુવા મતદારોને મતદાનની પ્રક્રિયાની સમજણ મળે તે હેતુથી ડીસા ખાતે કોલેજમાં અભ્યાસ કરતાં અને આગામી ચૂંટણીમાં પ્રથમવાર મતદાન કરનાર યુવા મતદારોને મતદાન અંગે સમજણ આપવામાં આવી હતી..

મતદાન એ દરેક નાગરિકનો મૂળભૂત અધિકાર છે.. ભારતનો નાગરિક ૧૮ વર્ષનો થાય ત્યારે તેને મતદાન કરવાનો અધિકાર પ્રાપ્ત થાય છે. ત્યારે પ્રથમવાર મતદાન કરવા જતાં યુવા મતદારો ઘણીવાર મતદાન કેવી રીતે કરવું તેની સમજણ ના હોવાના લીધે અસમંજસમાં મુકાઇ જતાં હોય છે.. જેને પગલે સરકાર દ્વારા મતદાર સાક્ષરતા નામનો કાર્યક્રમ શરૂ કરવામાં આવ્યો છે. આ કાર્યક્રમ અંતર્ગત પ્રથમવાર મતદાન કરવા જતાં યુવા મતદારોને મતદાન અંગે સમજણ આપવામાં આવી રહી છે.. જેમાં મતદાન કેવી રીતે કરવું...? મતાધિકારનું મૂલ્ય શું છે..? અને લોકશાહીમાં મતદાનનું કેટલું મહત્વ છે તે અંગે સમજણ આપવામાં આવી રહી છે. આજે ડીસાની ડી.એન.પી.આર્ટ્સ એન્ડ કોમર્સ કોલેજમાં અભ્યાસ કરતાં અને આગામી ચૂંટણીમાં પ્રથમવાર મતદાન કરનાર તમામ વિધાર્થીઓને ડેમો આપીને મતદાનની સમગ્ર પ્રક્રિયાની સમજણ આપવામાં આવી હતી.. જેમાં કોલેજ ખાતે જ ડમી મતદાન મથક તૈયાર કરવામાં આવ્યું હતું. અને કોલેજમાં અભ્યાસ કરતાં યુવા મતદારોને એક પછી એક બોલાવીને સમગ્ર મતદાનની પ્રક્રિયા સમજાવી હતી.. આ કાર્યક્રમનો હેતુ દેશમાં લોકશાહીને મજબૂત બનાવવાનો હતો..

પ્રથમવાર મતદાન કરવા જતાં યુવા મતદારો કોઈ પણ જાતના ભય વગર મતદાન કરી શકે અને ચૂંટણીઓ પણ ન્યાયિક પ્રક્રિયા દ્વારા યોજાય તો સ્પષ્ટ જનાદેશ વાળી સરકારની રચના થાય... તેને લઈ યોજવામાં આવતા આવા કાર્યક્રમોને પગલે યુવા મતદારોમાં મતદાન અંગે જાગૃતિ આવી શકે છે..

Download Our B K News Today App

Related News

Recent Posts

Environment

Women Special

Tweets by BkNewsToday

Follow Us

About us

Head Office (B.K. News)

Quick Links