69 પૂર્વ અમલદારોએ ચિંતા વ્યક્ત કરતાં PM મોદીને લખ્યો પત્ર.

Published By : B.K.NEWS DAINIK
Published Date : 2020-12-23 12:19:59
Views : 275
Modified Date : 2020-12-23 12:19:59

ભૂતપૂર્વ અમલદારોના એક સમૂહે વડાપ્રધાન નરેન્દ્ર મોદીને એક ખુલ્લો પત્ર લખીને સેન્ટ્રલ વિસ્ટા પુનર્વિકાસ પરિયોજના (Central Vista Project)પર ચિંતા વ્યક્ત કરતાં તેમણે આરોપ લગાવ્યો છે કે શરૂઆતથી બેજવાબદાર વલણ બતાવવામાં આવી રહ્યું છે. 'કોન્સ્ટિટ્યૂશનલ કંડક્ટ ગ્રુપ'ના બેનર હેઠળ 69 નિવૃત્ત અમલદારોએ દાવો કર્યો છે કે દેશની જાહેર આરોગ્ય સુવિધાઓ રોકાણની રાહ જોઇ રહ્યું છે અને સવાલ કર્યા કે આરોગ્ય અને શિક્ષણ જેવી પ્રાથમિકતાના સ્થાને નકામા અને બિનજરૂરી પ્રોજેક્ટને કેમ અગ્રતા આપવામાં આવી રહી છે. આ પત્ર પર ભૂતપૂર્વ આઈએએસ અધિકારીઓ- જવાહર સરકાર, જાવેદ ઉસ્માની, એનસી સક્સેના, અરુણા રોય, હર્ષ મંદિર અને રાહુલ ખુલ્લર અને ભૂતપૂર્વ આઇપીએસ અધિકારીઓ- એએસ દુલત, અમિતાભ માથુર અને જુલિયો રિબેરોએ હસ્તાક્ષર છે. તેમણે કહ્યું, "સંસદના નવા ગૃહ માટે કોઈ ખાસ કારણ નથી. દેશમાં અર્થવ્યવસ્થા પતનનો સામનો કરી રહી છે તે ખૂબ જ ચિંતાનો વિષય છે, જેણે લાખો લોકોને મુશ્કેલીઓ સામે લાવી દીધા છે, અને સરકારે ધૂમધામથી રોકાણ કરવાનું પસંદ કર્યું છે.

રાષ્ટ્રીય પાટનગરમાં સેન્ટ્રલ વિસ્ટા પ્રોજેક્ટ હેઠળ સંસદના નવા પરિસર, કેન્દ્રિય મંત્રાલયો માટે સરકારી મકાનો, ઉપરાષ્ટ્રપતિ માટે નવા એન્ક્લેવ્સ, વડાપ્રધાનના કાર્યાલય અને આવાસ સહિતના અન્ય બાંધકામો કરવામાં આવશે. આ પ્રોજેક્ટ પર કામ કરતા સેન્ટ્રલ પબ્લિક વર્કસ ડિપાર્ટમેન્ટ (CPWD)એ અંદાજિત ખર્ચ 11,794 કરોડ રૂપિયાથી વધારીને 13,450 કરી દીધો છે. કરોડ બનાવવામાં આવી છે. પત્રમાં આક્ષેપ કરવામાં આવ્યો છે કે, "અમે તમને આજે અમારી ચિંતાઓથી વાકેફ કરવા માટે આ પત્ર લખી રહ્યા છીએ કારણ કે સરકાર અને તેના પ્રમુખ સેન્ટ્રલ વિસ્ટા રિડેવલપમેન્ટ પ્રોજેક્ટના કિસ્સામાં તમે કાયદાના શાસનનો અનાદર કર્યો છે. શરૂઆતથી જ પ્રોજેક્ટમાં બેજવાબદાર વલણ બતાવ્યું, જે ભાગ્યે જ પહેલાં જોયું હોય.

પત્રમાં આરોપ લગાવવામાં આવ્યો છે કે, "ખાસ કરીને ચિંતાજનક બાબત એ છે કે જેમાં યોજના માટે પર્યાવરણીય મંજૂરી મળી હતી, જેમાં સેન્ટ્રલ વિસ્ટાની હરિયાળી જગ્યાઓ અને હેરિટેજ ઇમારતોને મહત્વાકાંક્ષાથી ચાલતા લક્ષ્યોની ઉપલબ્ધિમાં બિનજરૂરી અવરોધ માનવામાં આવે છે. ” પૂર્વ અમલદારોએ આશ્ચર્ય વ્યક્ત કર્યું છે, "વડાપ્રધાન કાર્યપાલિકાના પ્રમુખ હોય છે, વિધાનસભાના નહીં. બિલ્ડિંગમાં સંસદના બંને ગૃહો હશે, નિયમો અનુસાર રાષ્ટ્રપતિએ તેનો પાયો નાંખવો જોઈએ. વડાપ્રધાન મોદીએ 10 ડિસેમ્બરે નવા ભવનનું શિલાન્યાસ કર્યું હતું. પત્રમાં ભૂતપૂર્વ અમલદારોએ આ મામલો કોર્ટમાં હોવા છતાં 'અયોગ્ય' રીતે નવા સંસદ ભવનના નિર્માણ તરફ આગળ વધવાનો આરોપ લગાવ્યો છે.