બ્રાઝિલમાં રાષ્ટ્રપતિની વિરૂદ્ધ બાલસોનારોમાં સમર્થકોએ હિંસા કરી, 400ની અટકાયત

Published By : B.K.NEWS DAINIK
Published Date : 2023-01-10 16:01:17
Views : 476
Modified Date : 2023-01-10 16:01:17

બ્રાઝિલ દક્ષિણ અમેરિકાનો સૌથી મોટો અને સૌથી મહત્વપૂર્ણ દેશમાં ભારે હિંસા થઈ હતી. દેશના ઘણા ભાગોમાં પ્રદર્શનકારીઓ અને પોલીસ વચ્ચે ઘર્ષણ થયું હતું. ભૂતપૂર્વ રાષ્ટ્રપતિ જેયર બોલસોનારોના સમર્થકોએ હિંસા કરી હતી. તેઓ પોલીસ બેરિકેડ તોડીને રાષ્ટ્રપતિ ભવનમાં પ્રવેશ્યા હતા. આ દ્રશ્ય બિલકુલ એવું જ હતું જે થોડા દિવસો પહેલા શ્રીલંકામાં જોવા મળ્યું હતું. હવે બ્રાઝિલની પોલીસે હિંસા અને તોડફોડમાં 400 લોકોની ધરપકડ કરી છે. જોકે હિંસાની આગ હજુ અટકી નથી. બ્રાઝિલમાં ચાલી રહેલી હિંસાને લઈને દરેકના મનમાં એક સવાલ છે કે માત્ર એક અઠવાડિયા પહેલા રાષ્ટ્રપતિ બનેલા લુઈઝ ઈનાસિયો લુલા દા સિલ્વા વિરૂદ્ધ દેશભરમાં પ્રદર્શન કેમ થઈ રહ્યા છે.

બ્રાઝિલમાં ચૂંટણી બાદથી રાજકીય સંકટ છે. લુઇઝ ઇનાસિયો લુલા દા સિલ્વા 30 ઓક્ટોબરે બ્રાઝિલમાં ફરીથી ચૂંટણી જીત્યા. ત્યારથી, ભૂતપૂર્વ રાષ્ટ્રપતિ જેયર બોલસોનારોના સમર્થકોએ વિરોધ કરવાનું શરૂ કર્યું. ભૂતપૂર્વ રાષ્ટ્રપતિ જેયર બોલસોનારોના સમર્થકોએ ચૂંટણીના પરિણામને સ્વીકારવાનો ઇન્કાર કરી દીધો છે.

બ્રાઝિલના ન્યાય પ્રધાન ફ્લાવિયો ડીનોએ કહ્યું, ઇન્ટરનેટ પર હજુ પણ એવા લોકો છે જેઓ કહી રહ્યા છે કે આવી આતંકવાદી ઘટનાઓ હવે અટકશે નહીં. પરંતુ અમે તેમને એવું કરવા દઈશું નહીં. તેઓ બ્રાઝિલની લોકશાહીને નષ્ટ કરી શકશે નહીં. સંઘર્ષ નહીં થાય.

સત્તા સંભાળતાની સાથે જ લુલાની સરકાર સામે અનેક પડકારો આવી ગયા છે. સૌથી મોટો પડકાર પર્યાવરણીય સંતુલન બનાવવાનો છે. વાસ્તવમાં એમેઝોનના 60 ટકા જંગલ બ્રાઝિલમાં છે. તેઓ વિશ્વની આબોહવાનું સંતુલન જાળવવામાં મહત્વની ભૂમિકા ભજવે છે. તે જ સમયે, તેઓ ગ્લોબલ વોર્મિંગ સામે લડવામાં પણ મદદ કરે છે, પરંતુ જંગલમાં આગ, ગેરકાયદેસર ખાણકામ અને વૃક્ષો કાપવાના કારણે, બ્રાઝિલને 90 વર્ષમાં સૌથી ખરાબ દુષ્કાળનો સામનો કરવો પડ્યો. લુલા હંમેશા પર્યાવરણ સંરક્ષણના પક્ષમાં રહ્યા છે. તેમના રાષ્ટ્રપતિ બન્યા બાદ હવે બ્રાઝિલ વૃક્ષો કાપવા જેવી સમસ્યાઓને દૂર કરી શકશે.

બ્રાઝિલમાં યોજાયેલી ચૂંટણીના પરિણામો બાદ ડાબેરી ગઠબંધનના નેતા લુઈસ ઈનાસિયો લુલા ડી સિલ્વા નવા રાષ્ટ્રપતિ બન્યા. તેણે વર્તમાન રાષ્ટ્રપતિ જેયર બોલ્સોનારોને ખૂબ જ સખત લડાઈમાં હરાવ્યા. લુલાને 50.9 ટકા અને જેયરને 49.2 ટકા વોટ મળ્યા હતા. લુલા બ્રાઝિલમાં ત્રીજી વખત સત્તા સંભાળી રહ્યા છે. 30 ઓક્ટોબરે રાષ્ટ્રપતિની ચૂંટણી માટે બીજા તબક્કાનું મતદાન થયું હતું. લુલા ડી સિલ્વાને 50.90 ટકા જ્યારે બોલ્સોનારોને 49.10 ટકા વોટ મળ્યા હતા. બ્રાઝિલના બંધારણ મુજબ કોઈપણ ઉમેદવારને ચૂંટણી જીતવા માટે ઓછામાં ઓછા 50 ટકા વોટ મળવા જરૂરી છે. ગયા મહિને યોજાયેલા પ્રથમ રાઉન્ડના મતદાનમાં લુલાને 48.4 ટકા જ્યારે બોલ્સોનારોને 43.23 ટકા મત મળ્યા હતા.