છેલ્લા 3 વર્ષમા દેશમાં સરેરાશ 4.44 લાખ લોકો રોડ અકસ્માતમા મોતને ભેટ્યા

Published By : B.K.NEWS DAINIK
Published Date : 2019-07-13 17:45:06
Views : 391
Modified Date : 2019-07-13 17:45:06

રાજ્યમાં દિવસેને દિવસે રોડ અકસ્માતોની સંખ્યા વધી રહી છે ત્યારે છેલ્લા ત્રણ વર્ષમાં 23544 લોકો માર્ગ અકસ્માતમા મોતને ભેટ્યા હોવાનુ સામે આવ્યુ છે. લોકસભમા પુછાયેલ પ્રશ્નના જવાબમા સરકારે જવાબ રજુ કરતા જણાવ્યુ છે કે દેશમાં છેલ્લા 3 વર્ષમાં 4.44 લાખ લોકો માર્ગ અકસ્માતમાં મોતને ભેટ્યા છે.માર્ગ અકસ્માતોની સંખ્યા દિવસેને દિવસે વધી રહી છે ત્યારે છેલ્લા 3 વર્ષમા દેશમાં સરેરાશ 4.44 લાખ લોકો રોડ અકસ્માતમા મોતને ભેટ્યા છે. લોકસભા પ્રશ્નોત્તરીમાં પુછાયેલ પ્રશ્નના જવાબમાં માર્ગ અને પરિવહન મંત્રાલય તરફથી માર્ગ અકસ્માતમા મોતને ભેટનાર લોકોનો ચોંકાવનારો જવાબ રજુ કરવામાં આવ્યો છે. વર્ષ 2015 થી 2017ના રજુ કરવામાં આવેલ આંકડા મુજબ જેમાં ઉત્તરપ્રદેશમા વર્ષ 2017માં સૌથી વધુ 20124 લોકો વાર્ષીક માર્ગ અકસ્માતમાં મોતને ભેટ્યા છે જ્યારે ગુજરાતમાં 7289 લોકો મોતને ભેટ્યા છે. એટલે માસિક 654 લોકો સરેરાશ મૃત્યુ પામી રહ્યા છે. જેમાં દારૂપીને મોતને ભેટનારની સંખ્યા 65 છેકેન્દ્ર સરકાર દ્વારા જે આંકડો રજુ કરવામાં આવ્યો છે તે ચોંકાવનારો છે. દેશની જનતા ટેક્ષ ભરતી હોવા છતા પણ જરૂરી ઇન્ફ્રાસ્ટ્રકચર પુરૂ પાડવામાં ન આવતુ હોવાને કારણે પણ રોડ અકસ્માતો સર્જાય છે અને જેમાં મોટી સંખ્યામાં લોકો મોતને ભેટી રહ્યા છે. સાથે સાથે ઓવર લોડ વ્હીકલ અને 15 વર્ષ જુના વાહનો રસ્તા પર ફરી રહ્યા હોવાને કારણે અકસ્માતો સર્જાતા હોવાનુ એક્સપર્ટ માની રહ્યા છે.ઉલ્લેખનીય છે કે રોડ રસ્તાઓ ખરાબ હોવા છતા પણ વર્ષ 2015ની તુલનામાં 2017મા એકસ્માતોની સંખ્યામાં ઘટાડો નોંધાયો છે.