14 દિવસમાં ડેન્ગ્યૂ-મેલેરિયાના 400 કેસ, આજે 1 કલાક આપણા ઘરની સફાઈ કરી પરિવારને ડેન્ગ્યૂથી બચાવીએ

Published By : B.K.NEWS DAINIK
Published Date : 2019-08-18 16:45:01
Views : 546
Modified Date : 2019-08-18 16:45:01

શું તમે જાણો છો ? અમદાવાદમાં અત્યાર સુધી 14,881 સ્થળોએ મચ્છરોના લાર્વા મળ્યા છે. ચાલુ વર્ષે 8 મહિનામાં તેની સંખ્યા લગભગ 1.5 લાખ થઈ છે ઓગસ્ટ મહિનામાં શહેરમાં 400 લોકોને મલેરિયા, ડેન્ગ્યૂ થયા છે. શહેરને ડેન્ગ્યૂ મુક્ત બનાવવા માટે દિવ્ય ભાસ્કર આ રવિવારે એક ખાસ પહેલ કરવા જઈ રહ્યું છે. એ છે તમારા સહયોગથી સંપૂર્ણ શહેરને ડેન્ગ્યુના મચ્છરોથી મુક્ત કરવાની પહેલ. તમારે ફક્ત એટલું કરવાનું છે કે આ રવિવારે એક કલાકનો સમય કાઢવાનો. આ દરમિયાન તમે તમારા ઘરમાં ડેન્ગ્યૂના લાર્વાના ઉદભવ સ્થાનોની સફાઈ કરો. આમ કરી તમે તમારા પરિવારની સાથે ઘરમાં આવતા મહેમાનોને પણ ડેન્ગ્યૂથી બચાવી શકશો. અમદાવાદમાં 7 વર્ષમાં 98 હજાર લોકોને મચ્છરોને કારણે ડેન્ગ્યૂ, મેલેરિયા અને ચિકનગુનિયા થયા છે અને 160 લોકોના મૃત્યુ થયા છે. ચાલુ વર્ષે પણ તે ઝડપથી ફેલાઈ રહ્યાં છે. મ્યુનિ હેલ્થ વિભાગ ઘેર-ઘેર ના પહોંચી શકે પણ આપણે ઘરની સફાઈ રાખી પોતાના પરિવારને ડેન્ગ્યૂથી બચાવી શકીએ છીએ.કમિશનર કહ્યું આાજે 1 કલાક ઘરની સફાઈ કરીશુંઅમદાવાદને મચ્છરમુક્ત કરવાની જવાબદારી પ્રત્યેક નાગરિકની છે. ઘરમાં મચ્છરોની સફાઈ ની દિવ્ય ભાસ્કરની પહેલ સરાહનીય છે. હું આજે એક કલાક મારા ઘરમાં સફાઈ માટે આપીશ દરેક નાગરિક તેમાં જોડાય તો શહેરને મચ્છરમુકત બનાવે - વિજય નેહરા, કમિશનર, મ્યુનિસિપલ કોર્પોરેશનમેયરે પણ કરી અપીલદિવ્ય ભાસ્કરની પહેલ આવકારદાયક છે. દરેક નાગરિક એમાં જોડાય તેવી મારી પણ અપીલ છે. હું પણ આજે મારા ઘરમાં મચ્છરના ઉદ્‌ભવસ્થાનોની સફાઈ કરીશ. ઉપરાંત મારા બંગલાની આસપાસ પણ જ્યાં પાણી બંધિયાર હશે ત્યાં પણ સફાઈ કરીશ. - બીજલ પટેલ, મેયરઘરમાં એવા સ્થળ જુઓ જ્યાં પાણી એકઠું થતું હોય છે.ડેન્ગ્યૂના લારવા સાફ પાણીમાં ઉદભવે છે. એટલા માટે જ્યાં પણ નકામું પાણી એકત્રિત થાય છે તેને સાફ કરો.ફ્રિજની ટ્રે, મની પ્લાન્ટની બોટલ, કુંડાની પ્લેટ, પક્ષીઓના વાટકા, ઘરના પાણીની ટાંકી, કૂલર, છત કે આંગણામાં પડેલા જૂના ટાયરમાં એકઠું પાણી, બગીચાના ફાઉન્ટેન વગેરેમાં પાણી એકત્રિત હોય તો તેને સાફ કરો.