ચાલુ સપ્તાહે આ IPO કમાણીનો અવસર લાવશે રોકાણ પહેલા જાણો યોજનાની સંપૂર્ણ વિગત

Published By : B.K.NEWS DAINIK
Published Date : 2023-06-05 16:27:55
Views : 149
Modified Date : 2023-06-05 16:27:55

IPO માર્કેટ આ વર્ષે પણ તેજ બનવા જઈ રહ્યું છે કારણ કે પ્રાથમિક બજારમાં લગભગ 57 SME પ્રારંભિક પબ્લિક ઑફરિંગ આવવા જઈ રહી છે. આ સિવાય છ મેઈનલાઈન કંપનીઓના આઈપીઓ પણ બજારમાં આવવાના છે. આ વર્ષનો અત્યાર સુધીનો સૌથી મોટો IPO 4300 કરોડ રૂપિયાનો રહ્યો છે. આ સિવાય કેટલીક અન્ય કંપનીઓએ પણ તેમનો DRHP જમા કરાવ્યો છે અને ટૂંક સમયમાં જ તેમની એન્ટ્રી શેરબજારમાં થશે. ચાલુ સપ્તાહે વધુ બે કંપનીઓ યોજના સાથે આવી રહી છે. આ કંપનીઓના IPO 5 મેથી 9 મે વચ્ચેના ચાલુ સપ્તાહમાં દસ્તક આપશે. આ અઠવાડિયે એક મેઈનબોર્ડ કંપની અને એક SME કંપનીનો IPO બજારમાં આવવા જઈ રહ્યો છે.IKIO Lighting IPO 6 જૂને સબસ્ક્રિપ્શન માટે ખુલશે અને 8 જૂને બંધ થશે. રૂ. 607 કરોડનો આ આઇપીઓ રૂ. 350 કરોડના ફ્રેશ ઇક્વિટી શેર સાથે બજારમાં આવશે અને આમાં 90 લાખ શેર પ્રમોટરો દ્વારા ઓફર ફોર સેલ દ્વારા વેચવામાં આવશે. આ ઈસ્યુની પ્રાઇસ બેન્ડ પ્રતિ શેર રૂ. 270-285 નક્કી કરવામાં આવી છે અને એન્કર રોકાણકારો માટે બિડિંગ પ્રક્રિયા આજે 5 જૂનથી શરૂ થશે. તેની લોટ સાઈઝ 52 શેરની હશે અને રિટેલ રોકાણકારો વધુમાં વધુ 13 લોટ માટે શેર માટે બિડ કરી શકે છે. કંપનીના શેરની ફાળવણી 13 જૂને થવાની ધારણા છે અને ત્યારબાદ 16 જૂને BSE અને NSE પર શેરનું લિસ્ટિંગ થશે.સોનાલી કન્ઝ્યુમર પ્રોડક્ટ્સ IPO વિશે વાત કરીએ તો તે 7 જૂન 2023ના રોજ ખુલશે અને 9 જૂન 2023ના રોજ બંધ થશે. IPOમાં 9.44 લાખ શેરનો નવો ઈશ્યુ લાવવામાં આવી રહ્યો છે અને દરેક શેરની કિંમત 30 રૂપિયા છે અને તેમની ફેસ વેલ્યુ 10 રૂપિયા પ્રતિ શેર છે. તેની લોટ સાઈઝ 4000 શેર છે અને તેના દ્વારા રોકાણકારો કુલ રૂ. 1.20 લાખનું રોકાણ કરી શકશે. આ કંપનીના IPO શેરની ફાળવણી 14મી જૂને થશે અને શેરનું લિસ્ટિંગ 19મી જૂને BSE અને NSE પર થવાની ધારણા છે.