2023માં ભારતની અર્થવ્યવસ્થા સૌથી ઝડપી રહેશેઃ ટાટા સન્સના ચીફની આગાહી

Published By : parth lakhtaria
Published Date : 2022-12-28 17:37:17
Views : 485
Modified Date : 2022-12-28 17:37:17

ટાટા સન્સના ચેરમેન એન ચંદ્રશેખરનના જણાવ્યા અનુસાર વૈશ્વિક આર્થિક વૃદ્ધિમાં મંદીનું જોખમ છે. રોગચાળો, કોવિડના નવા કેસો અને ભૌગોલિક રાજકીય તણાવ દબાણમાં વધારો કરી શકે છે.

આ ઉદ્યોગને ભારતીય અર્થતંત્રની વિકાસગાથા પર પૂરો વિશ્વાસ છે અને એક તરફ વિશ્વભરમાં કોવિડ અને મંદીનો ભય વધી રહ્યો છે ત્યારે દેશના દિગ્ગજ ઉદ્યોગપતિઓ વર્ષ 2023માં સ્થાનિક અર્થતંત્ર ઝડપમાં મોખરે રહેશે તેવો સંપૂર્ણ વિશ્વાસ વ્યક્ત કરી રહ્યા છે.

ટાટા સન્સના ચેરમેન એન ચંદ્રશેખરે કહ્યું છે કે ભારત આગામી વર્ષે સૌથી ઝડપથી વિકસતી મોટી અર્થવ્યવસ્થા બની રહેવા માટે સારી સ્થિતિમાં છે. બીજી તરફ, કોવિડના નવા ખતરા અને વૈશ્વિક નાણાકીય કટોકટીને કારણે સમગ્ર વિશ્વનો આર્થિક વિકાસ વધુ દબાણ હેઠળ જઈ શકે છે.

ચંદ્રશેખરને ટાટા ગ્રુપના લગભગ 9.35 લાખ કર્મચારીઓને નવા વર્ષના સંદેશમાં જણાવ્યું હતું કે વપરાશમાં વધારો, ગ્રાહકોનો વિશ્વાસ વધારવો અને ઝડપી રોકાણથી ભારતના વિકાસમાં મદદ મળશે. જો કે, વિશ્વ સામે ઘણા જોખમો છે. આમાં યુરોપમાં ઊર્જા કટોકટી, મંદીને રોકવા માટે ફુગાવાને નિયંત્રિત કરવા માટેનો સંઘર્ષ અને વિશ્વભરમાં ચાલી રહેલા ભૂ-રાજકીય તણાવનો સમાવેશ થાય છે. "રોગચાળા પછી ભારતમાં વસ્તુઓમાં સુધારો થયો છે અને છેલ્લા એક વર્ષમાં, આપણું દૈનિક જીવન સામાન્ય થઈ ગયું છે. અમારી ઘણી કંપનીઓ માટે, વ્યવસાયની ગતિ મજબૂત રહે છે.

ચંદ્રશેખરે જણાવ્યું હતું કે આવતા વર્ષે ફુગાવો ધીમે ધીમે નરમ પડવાની ધારણા છે. વપરાશ અને રોકાણમાં તેજી અને ગ્રાહકોનો વિશ્વાસ વધવાને કારણે ભારત વધુ સારી સ્થિતિમાં છે અને તે સૌથી ઝડપથી વિકસતું મોટું અર્થતંત્ર બની રહેશે. જો કે, સુસ્ત વૈશ્વિક આર્થિક વૃદ્ધિ ઉત્પાદન પર દબાણ વધારી શકે છે. પરંતુ વૈશ્વિક ઉત્પાદનમાં અમારો વધતો હિસ્સો થોડી રાહત પ્રદાન કરી શકે છે. ચંદ્રશેખરને જણાવ્યું હતું કે, "રોગચાળા અને વૈશ્વિક નાણાકીય કટોકટીને બાદ કરતા, આવતા વર્ષનો વૈશ્વિક વિકાસ આ સદીની શરૂઆતથી સૌથી નીચો રહેશે." આપણે કોમોડિટીના ભાવમાં વધારા પર નજર રાખવાની જરૂર રહેશે.

ટાટા ગ્રુપના પ્રદર્શન વિશે વાત કરતા તેમણે કહ્યું કે, "આ એક એક્ટિવિટી વર્ષ રહ્યું છે. અમે વર્ષ દરમિયાન નોંધપાત્ર લક્ષ્યો હાંસલ કર્યા છે. આમાં એર ઇન્ડિયાની ગ્રુપમાં વાપસી, ટાટા ન્યૂની રજૂઆત અને ટાટા મોટર્સની એક વર્ષમાં 500,000ને પાર કરતી પેસેન્જર કાર્સનો સમાવેશ થાય છે. તેમાં ઇવી (ઇલેક્ટ્રિક વ્હીકલ)નો હિસ્સો 10 ટકા હતો.