વૈશ્વિક અર્થતંત્રનો ત્રીજો ભાગ આ વર્ષે મંદીમાં જ રહેશેઃ જ્યોર્જીવા

Published By : B.K.NEWS DAINIK
Published Date : 2023-01-03 17:27:15
Views : 442
Modified Date : 2023-01-03 17:27:15

આંતરરાષ્ટ્રીય મુદ્રા કોષ (આઇએમએફ)ના વડા ક્રિસ્ટાલિના જ્યોર્જિવાએ કહ્યું છે કે વર્ષ 2023 ગયા વર્ષની તુલનામાં મુશ્કેલ રહેશે, કારણ કે યુએસ, યુરોપિયન યુનિયન અને ચીનની અર્થવ્યવસ્થા ધીમી પડી જશે.

જ્યોર્જિવાએ જણાવ્યું હતું કે રશિયા-યુક્રેનને કારણે વધતા જતા ભાવ, ઊંચા વ્યાજદરો અને ચીનમાં કોવિડના ફેલાવાની અસર વૈશ્વિક અર્થતંત્ર પર પડશે. યુક્રેન યુદ્ધ, વધતી કિંમતો, ઊંચા વ્યાજદરો અને ચીનમાં કોવિડ-19ના ફેલાવાની અસર વૈશ્વિક અર્થતંત્ર પર પડશે.
આઇએમએફએ ઓક્ટોબરમાં ૨૦૨૩ માટે વૈશ્વિક આર્થિક વિકાસના તેના અંદાજિત દરમાં ઘટાડો કર્યો હતો.
એક ન્યૂઝ ચેનલના ફેસ ધ નેશન પ્રોગ્રામ પર જ્યોર્જિવાએ જણાવ્યું હતું કે, અમે અપેક્ષા રાખીએ છીએ કે વૈશ્વિક અર્થતંત્રનો એક તૃતીયાંશ ભાગ મંદીમાં રહેશે અને જે દેશો મંદીમાં નથી તેઓ પણ મંદીમાં હોવાનું અનુભવશે. તે જ સમયે, સિડનીમાં મૂડીઝ એનાલિટિક્સના અર્થશાસ્ત્રી કેટરિના એલએ બીબીસીને વિશ્વની અર્થવ્યવસ્થા વિશેનો પોતાનો અભિપ્રાય જણાવ્યો હતો.
અમારી બેઝલાઇન આવતા વર્ષે વૈશ્વિક મંદીને પ્રતિબિંબિત કરતી નથી, જોકે મુશ્કેલીઓ હશે. જો કે, યુરોપ મંદીથી બચી શકશે નહીં અને અમેરિકા અણી પર રહેશે. જ્યોર્જિવાએ વિશ્વની બીજા નંબરની સૌથી મોટી અર્થવ્યવસ્થા ચીનને ચેતવણી આપતા કહ્યું કે, 2023માં તેમના માટે ઘણી મુશ્કેલી આવશે. આગામી કેટલાક મહિનાઓ સુધી, ચીનને મુશ્કેલ સમયનો સામનો કરવો પડશે, જે તેના વિકાસને નકારાત્મક અસર કરશે અને સમગ્ર ક્ષેત્રને નકારાત્મક અસર કરશે.
આઈએમએફ વિશ્વના 190 દેશોનું સંગઠન છે અને તે વૈશ્વિક અર્થવ્યવસ્થાને સ્થિર કરવાનું કામ કરે છે. તેનું એક મહત્વનું કાર્ય એ છે કે સમય પહેલા અર્થવ્યવસ્થાના ક્ષેત્રમાં સમસ્યાઓ વિશે ચેતવણી જારી કરવી.